Maiserrek a dingnguen iti probinsia, masiputan

VIGAN CITY – Nainget a mamonitor dagiti animal a sumrek iti probinsia iti sanguanan ti panagraira ti sakit ti baboy iti maysa nga ili ditoy probinsia a nakatayan dagiti ginasut a baboy.

Imbilin ni Gov. Deogracias Victor Savellano ti estrikto a pannakasukimat dagiti dokumento dagiti maiserrek a dingnguen no kumpletoda met laeng ken awan ti sakitda sakbay a mapalubosanda a mailako ditoy probinsia.

Itay nabiit, nasurok a sangagasut a baboy iti uppat a barangay ti Sta. Lucia, Ilocos Sur ti natay gapu iti sakit a Porcine Reproductive Respiratory Syndrome (PRRS).#