Makalkali a kongkreto nga alad, nagreggaay

BANTAY, Ilocos Sur – Dandani nagaburan ti maysa a trabahador idi nagreggaay ti makalkali a kongkreto nga alad ti balay ti maysa nga overseas Filipino worker idi bigat ti Agosto 4.

Naiyaon met laeng ni Amado Solero y Pentecostes, 43, residente iti Sitio Funtanilla, Barangay Paing, ditoy nga ili ket naipan iti Gabriela Silang General Hospital para iti pannakaagas dagiti sugatna.

Segun  iti report, dandanin malpas a makali ti biktima ken kakaduana ti kongkreto nga alad idi kellaat a narsuod ket natuanganda.

Nakakalay-at a dagus dagiti trabahador malaksid ti biktima.

Kinali dagiti trabahador ti natuang nga alad ket inyaonda ni Solero.#