Makinaria ti talon, naited 5 fishermen’s association

CABUGAO, Ilocos Sur – Lima a gunglo dagiti mangngalap ditoy nga ili ti inikkan ti Department of Agriculture, Region 1 kadagiti makinaria iti talon itay nabiit iti programana a farm mechanization.

Inimatangan da Mayor Mayor Edgardo “Ediboy” S. Cobangbang, Jr. ken dagiti konsehal a pakaibilangan da Konsehal Benedicto M. Savellano, Konsehal Josefina S. Vallejo; Konsehal Jayhan Alcid-Tan ken ni Konsehal Atty. Bryan Jett S. Pano ti panangiyawat ti DA-RFO1 kadagiti makinaria iti Alina-ay Farmers Association; Aragan FA; Turod FA; Namruangan FA; ken Sagayaden FA.

Immawat ti Alina-ay Farmers Association iti shallow tube well generator; Aragan FA (generator); Turod FA (generator); Namruangan FA (rice thresher with complete accessories); ken Sagayaden FA (hand tractor with complete accessories).

Napaadda dagiti makinaria babaen ti 85-15 counterpart scheme ti lokal a gobierno nga idadauluan ni Cobangbang ke n ti DA-RFO 1.

Kanaig daytoy, indagadag ni Cobangbang ti panangestimar dagiti benepisario kadagiti naited a makinaria tapno agbayagda a katulonganda iti panangpaaduda iti apitda.#