Maladaga a lalaki, nasarakan

BAGUIO CITY – Sumagmamano nga oras sakbay ti itatapog ti Baro a Tawen, maysa a maladaga a lalaki ti nasarakan ditoy siudad.

Segun iti report, nasarakan ti maysa a di nainaganan a taxi driver ti maladaga iti Sunnyside, San Luis Village, ditoy siudad a di pay naputdan ti umbilical cordna ken nabungon iti lampin.

Impan ti drayber ti maladaga iti police station ditoy ket dagus nga intaray dagitoy iti Baguio General Hospital para iti pannakatamingna.

Di pay ammo no asino nga ina ti nangibati iti anakna iti nadakamat a lugar.#