Footer

Malnourished nga agbasbasa nababa ti naalada iti eksamen

LA TRINIDAD, Benguet – Nababa ti performance dagiti pagadalan ditoy a nangato ti bilang ti malnourished nga ubbing, daytoy ti naduktalan iti National Achievement Test para iti 2007-2008 a naisayangkat kadagiti pagadalan ditoy.

Kinuna ni Virginia Basatan, nurse ti Division ditoy nga iti 236 a pagadalan a nageksamen, 32 ti nababa ti resulta ti testda.

Kinunana a dagitoy a pagadalan a nababa ti mean performance scoresda ket nangato ti bilang dagiti ubbing nga agsagsagaba iti malnutrision.

Innayon ni Basatan a mangiwayatda iti package a mangpabassit ti bilang ti malnourished nga ubbing kas iti panagiwarasda iti Vitamin A supplement, panagpurga iti ariet, intensified gulayan sa paaralang,  intensified sodium fluoride mouth rinsing and tooth brushing program medical-dental check-up ken dadduma pay.#