Mammallot, napaltogan iti galiera

STA. MARIA, Ilocos Sur –  Maysa a lalaki ti napaltogan iti galieraan iti sitio Rumas, Barangay Suso ditoy.

Nagsagaba ni Reynaldo Vernal, 45, naasawaan ken residente iti barangay Bangbangar, Bangued, Abra, iti sugat iti kannawan nga abagana ket naitaray iti ospital tapno maagasan.

Iti inisial nga inbestigasion dagiti pannakabagi ti linteg, kalkalpas ti pallot ket agawid koman ni Vernal ken ti di nainaganan a kaduana ket idi  sumakay koman ti biktima iti luganna, immasideg ti suspetsa inasutna ti cal. 45 a paltogna ket pinaltoganna ti biktima.

Naitaray iti Reyes Clinic and Hospital ti biktima. Naglibas ti suspetsa kalpasan ti pammaltog. (Danny Antalan)