Mangngalap, binagsol padana a mangngalap

STA. CRUZ, Ilocos Sur – Saan a panagkinnaawatan ti puon ti nangbagsolan ti maysa a mangngalap iti padana a mangngalap iti Barangay Mantanas ditoy nga ili idi malem ti Enero 9.

Binagsol ni Gary Ballera y Alcaide, 21, baro, mangngalap, ni Armando Gabriel y Llanes, 33, naasawaan, mangngalap met laeng, a nakayospitalan ti naud-udi.

Iti inbestigasion dagiti polis, naammuan a nagsubang dagiti dua ket kinamat ni Gabriel a nakaiggem iti imuko ni Ballera sana binagsol ngem nakalisi ti suspek.

Inagaw ni Ballera ti imuko sana binagsol ni Gabriel a nakasugatan ti tian ken kanawan nga ima ti naudi.

Boluntario a simmuko ti suspek iti polis. Saan a narekobre ti imuko a naaramat iti pammagsol.#