Footer

Mangngalap, indagadagda pannakapasardeng panagbongbong

SAN JUAN, Ilocos Sur – Indagadag dagiti mangngalap ditoy nga ili ken ni Cong. Ryan Singson ti pannakapasardeng ti illegal a panagkalap iti probinsia, nangnangruna iti kabaybayan a sakup daytoy nga ili.

Daytoy ti kiniddaw dagiti mangngalap ken ni Singson bayat ti naangay a konsultasion kadakuada itay nabiit.

Kinuna dagiti mangngalap nga adda dagiti naipasdek a fish sanctuary iti kabaybayan ditoy nga ili ngem bimmassit ti makalapanda gapu iti panagbongbong.

Mapapati nga aggapu iti kabangibang nga ili dagiti mangiwaywayat iti panagbongbong.

Mangisaysayangkat ni Singson iti konsultasion kadagiti nadumaduma a sektor iti umuna a distrito tapno ammuenna dagiti kangrunaan a problemada.#