Footer

Mangngalap, nabtakan iti bungbong, natay

VIGAN CITY – Natay ti maysa a mangngalap kalpasan ti mapapapati a panagbettak ti iggemna a bungbong iti kabaybayan a sakup ti Barangay San Pedro Sur ditoy a siudad itay nabiit.

Dagus a natay ni Florante Rosario y Magno, 47, residente iti nadakamat a barangay ditoy siudad gapu iti ibebettak ti dinamita iti rupa ken bagina.

Segun iti report, napan nagkalap ni Rosario, kaduana ti dua pay a kalugaranna, ket idi addadan iti taaw, inruarna ti bungbong sana sinindian. Mapapati a saan a sigida a naipuruak ti biktima ti bungbong ket bimtak daytoy nga iggemna.

Madama ti inbestigasion dagiti polis mainaig iti insidente.#