SINAIT, Ilocos Sur – Maysa a mangngalap ti nayospital gapu ta nabtakan ti sinindianna a dinamita bayat ti panangselebrarna iti isasangbay ti baro a tawen.
Malaksid a naputolan ti kanawan nga ima ni Bernard Yadao y Libed, residente iti Barangay Macabiag ditoy nga ili, nakaro a nasugatan ti rupa ken barukongna gapu iti mapapati a panagbettak ti iggemna a sinindianna a dinamita bayat ti panangselebrarna iti sumangbay a Baro a Tawen.
Naitaray ti biktima iti ospital ditoy sa naiyalis iti Mariano Marcos Memorial Hospital iti Batac City.#