Footer

Mangngalap, naisalakan kalpasan 3 nga aldaw iti taaw

SAN ESTEBAN, Ilocos Sur – Naisalakan ni Richard De Guzman y Ramos, 25, awanan asawa, mangngalap ken residente ti Brgy. Mindoro, Bangar, La Union idi 6:00 ti bigat, Marso 8, 2018 sadiay Brgy. Apatot, San Esteban, Ilocos Sur. Nainaganan met ti nangisalakan a ni Carlos Quarto, 48, naasawaan, mangngalap ken residente iti Brgy Apatot.

Segun iti imbestigasion, napan nagkalap ni De Guzman idi Marso 5, 3:00 iti agsapa, ngem saanen a nakaawid daytoy gapu ta nadadaelan ti motor ti bangkana. 3 days nga nagkatangkatang ti bangkana iti international waters sakbay nga nasalaw ni Quarto nga isu met nangtulong a nangiyawid kaniana.

Naitaray ni De Guzman iti San Esteban Municipal Health Center tapno maagasan ket addan iti stable condition. Ur-urayenna ti pamiliana a sumangpet tapno maiyawid sadiay La Union. (Tawid News Team)