Mangngalap, nakimat, natay

NARVACAN, Ilocos Sur – Maysa a mangngalap ti natay idinto a naiyospital ti lima pay gapu iti pannakakimatda iti igid ti karayan ti Barangay San Pedro ditoy nga ili itay nabiit.

Sigida a natay ni Frederick Collado, 34, residente iti nadakamat a barangay ditoy nga ili idinto a nayospital gapu iti sugatda da Arnel Collado; Marie Collado, asawa ni Arnel; Marilyn Esteban, Lanie Flores ken Gil Rendon, agpapada a kalugaran ti natay.

Naammuan iti report a kasangsanglad ni Collado manipud iti taaw ket simmabat dagiti kalugaranna tapno makibinglay iti nakalapanna idi nanabsiit ti kimat a nakatayan a dagus ni Collado.#