PAOAY, Ilocos Norte – Natay ti maysa a mangngalap idi bimtak ti iggemna a bongbong sakbay a naipuruakna iti pangen dagiti ikan iti kabaybayan ditoy.

Saanen a naidanon ti biag ni Wilson Roy Galapia, residente iti Barangay Callaguip ditoy nga ili  gapu iti pannakaburayray ti boksitna ken grabe a sugatna iti nadumaduma a paset ti bagina.

Segun iti report, nakita laengen dagiti mangngalap a nagpataaw iti dayta a bigat ni Galapia a natayen gapu iti panagbettak ti bongbong sakbay a maibatona.

Kinuna ti asawa ti biktima a masansan a ballaaganda daytoy a saan nga agaramat iti bongbong ngem saan a nangipangpangag.#