Manipud Septiembre 2010 agingga iti Hunio 2011: 6,595 naserbian ti Ilocos Sur Hotline

SANTIAGO, Ilocos Sur- Umabot iti 6,595 ti naserbian ti Ilocos Sur Hotline manipud Setiembre 2010 agingga iti Hunio 2011, daytoy tiĀ  impakaammo dagiti mangtartarawidwid bayat ti pannakaselebrar ti maika-12 nga anibersario ti nasao a programa a naangay ditoy nga ili idi Agosto 20.

Nangrugi iti ere ti Ilocos Sur Hotline babaen ti pannakaipatangatangna iti DWRS Commando Radio idi Agosto 9, 1999 babaen ti panangkonsepto da Gov. Luis ā€œChavitā€ Singson ken dagiti host ti programa a da Chato Alda ken Eugene Paet.

Tunggal Sabado, adu dagiti matultulungan ti programa babaen ti libre a konsultasion ken agas nga ipapaayna kadagiti agpatulong nga umili. Agserserbi metten daytoy a programa a pangibagaan dagiti umili kadagiti kiddaw ken kasapulanda a kayatda nga ipaay ti gobierno probinsial.

Adu a papremio ti naiyawat kadagitiĀ  agdengdengngeg ken dagiti immatendar iti anibersario ti Ilocos Sur Hotline kas iti refrigerators, TV, electric fan, kitchen utensils, radio, selpon ken kuarta kasta metten a naiyawat dagiti request a sarukod ken wheel chairs, school supplies ken groceries itoy nga aldaw kas wagas ti panagyamanda iti suporta ti umili iti napalabas a 12 a tawen.

Iti panagsarita ni Gov. Luis ā€œChavitā€ Singson, indawatna ti agtultuloy a panangsuporta dagiti kaprobinsiaanna itoy a programa tapno agtuloy ken ad-adu pay ti maserbianna nga agkasapulan.

Inlawlawag met ni Vice Gov. Deogracias Victor Savellano a ti Ilocos Sur Hotline ti agserserbi a a takiag ti gobierno probinsial tapno naipaayna dagiti kangrunaan a kasapulan dagiti umili.

ā€œBitibitentayo koma daytoy a programa ken ditoytayo nga ibaga dagiti kasapulanyo a tulong tapno maaksionan ti gobierno probinsial,ā€ kinuna pay ni Savellano.

Maipatpatangatang ti Ilocos Sur Hotline iti DWRS 927 khz am tunggalĀ  Sabado, alas 8-11 iti bigat ken maysa nga ili met ti pangisayangkatanda iti outreach program tunggal bulan.#Ā