Mannalon a taga-Ilocos Norte, maysa kadagiti 25 national winners iti 2012 Gawad Saka Awards

LAOAG CITY – Karaman ti maysa a mannalon ditoy siudad kadagiti napili a 25 a national winners a pakaipaayan ti Gawad Saka Award iti daytoy a tawen.

Napili ni Ricarte Corpuz, taga-Barangay Madiladig ditoy siudad a pakaitedan ti 2012 Gawad Saka Award kas Most Outstanding Hybrid Rice Farmer kalpasan a nakapastrek iti P1.5 million manipud iti naapitna a hybrid rice nga inraepna iti talonna iti Laoag City.

Umawat ni Corpuz ken dagiti national winners iti 2012 Gawad Saka iti babaen ti individual category iti sag-P150,000.00 ken project grants, presidential citation ken tropeo.

Mapadayawan dagiti national winners iti maysa a seremonia a maangay iti daytoy a bulan ti Nobiembre. Ni Pres. Benigno Aquino III ti naawis a kangrunaan a sangaili iti awarding ceremony a maiwaragawagto pay laeng ti pakaangayanna.

Kadua ni Corpuz nga umawat iti pammadayaw da Teodoro Kub-ao, Jr., maysa nga inhiniero-mannalon manipud iti Kalinga  (Integrated Rice Farming, Kalinga,);  Delia Nanong (Corn, Tarragona, Davao Oriental);  Alberto Panghulan (Coconut, Esperanza, Sultan Kudarat);  Jaime Sillador (Sugarcane, Carmen, North Cotabato);  Gregorio Saljay III (High value crops, Pigcawayan, North Cotabato);  Ronald Costales (Organic agriculture, Majayjay, Laguna); Arthur Tabbu (Agri-entrepreneur, Lighthouse Cooperative, Tuguegarao City) ken Bonifacio Begonia (Guaranfood Mfg. Corp., San Pablo City).

Ferdinand Mari (Fish culture, Alicia, Isabela);  Rene Maunas (Fish capture, Mati City, Davao Oriental);  Francisco Pasion (Large animal raiser, Marcos, Ilocos Norte);  Vicente Doletin (Small animal raiser, Midsayap, North Cotabato);  Dario Gullos (Young farmer, Española, Palawan); Bernardino Nunez, Sr. and family (Farm family, San Rafael, Bulacan);

Napili pay iti babaen ti individual category da Dr. Mudjekeewis Santos (Agricultural scientist, BFAR-NFRDI) ken Ambrosio Alfiler (Agricultural researcher, Philippine Coconut Authority Albay Research Center). Umawat dagiti dua iti sag-P1 million ((P900,000 kas project grant and P100,000 cash) nga aggapu manipud iti Bureau of Agricultural Research ti DA.

Dagiti met sumaganad dagiti napili a national winners iti group category: Small Farmers’ or Fisherfolk’s Organization, Abrasa Multi-Purpose Cooperative, Diffun, Cagayan; Rural Improvement Club, Calatagan Tibang RIC, Virac, Catanduanes; Young Farmers’ or Fishermen’s Organization, Monteverde 4-H Club, Culianan, Zamboanaga City; Municipal Agricultural and Fishery Council, Sablayan MAFC, Occidental Mindoro; Provincial Agricultural and Fishery Council (PAFC), Mountain Province PAFC; Barangay Food Terminal (BFT) LGU-operated, Barangay Kiba-o, Matanao, Davao del Sur; BFT Non-LGU-Operated, Valiant Primary MPC, Bongabon, Nueva Ecija; Municipal FARMC, Aroroy, Masbate.

Tinawen nga angayen ti DA ti pasalip ti Gawad Saka kas panangited iti pammigbig kadagiti pagwadan a mannalon, mangngalap ken dagiti nadumaduma a grupo a nakaipaay kadagiti maipagpannakkel a kontribusion iti pannakaidur-as ti agrikultura ken sektor ti ikanan iti komunidadda ken iti pagilian.#