Mannalon a taga-Vigan, immawat pammadayaw

VIGAN CITY – Maysa a mannalon a lumugar ditoy ti immawat iti pammadayaw ti Gawad Saka ti Department of Agriculture iti Philippine International Convention Center itay Oktubre 15.

Mismo a ni Pres. Gloria Arroyo ti nangiyawat iti pammadayaw ken ni Maximo Rabanal, mannalon a taga-Pantay Daya ditoy siudad kas Outstanding Corn Farmer of the Year.

Malaksid iti plake, immawat pay ni Rabanal iti P100,000 a gunggona.

Iti dayta a seremonia, sabali pay a mannalon a taga-Sinait, Ilocos Sur ti immawat iti pammadayaw kas Outstanding Young Farmer of the Year.#