Mannalon, agproblemada ti danum a pagpasayakda

SANTIAGO, Ilocos Sur – Limapulo nga ektaria ti saan pay a natalon ditoy gapu ta kurang ti pagpadanum, segun ken ni Asuncion Doque, municipal agriculturist.

Kinuna ni Doque a danum ti kangrunaan a problema dagiti mannalon no agtalonda agsipud ta 180 ektaria laeng ti mapasayakan ditoy babaen ti irigasion.

Innayonna a natalon dagiti nasurok 900 nga ektaria a kataltalonan babaen ti tulong ti de-motor a bomba ti danum ket kalpasanna, mangnamnama dagiti mannalon iti nabuslon a tudo tapno nasayaat ti panagdakkel dagiti pagayda.#