Mannalon, binagsol ti kalugaranna

SANTIAGO, Ilocos Sur – Nabagsol ti maysa a mannalonĀ  bayat ti panagiinomda iti akinkukua iti pugon nga impatakderda sadiay Barangay Al-aludig ditoy nga ili idi rabii ti Enero 19.

Segun iti report, nagginom da Gil Escritor y LapeƱa ken Danilo Garcia iti balay ti naud-udi kas selebrasionda iti pannakalpas ti pugon ni Garcia ket idi agarup 9:40 ti rabii, nabato ti balay a mapapati a gapuanan da Ronilo Albento y Garcia ken Randon Albento.

Rimmuar ni Escritor tapno alaenna ti motorsiklona a naiparking iti asideg ti Ronilo Albento ngem idi makaasideg, inasitgan ti suspek a nakaarmas.

Nagrupak dagiti dua ket nagsagrap ni Escritor kadagiti sugat.

Nagganawa dagiti kaarrubaĀ  a pakaibilangan da Joseph Albento, Ramil Albento ken Felimon Albento ngem nagtungpal laeng iti panagdidinnisnogda a nakadunoranda a tallo.

Naglibas dagiti agkabsat a Ronilo ken Randon ngem kabigatanna, insuko ni Al-aludig Barangay Captain Mario Corpuz ni Ronilo iti polis.

Madama ti panagpalutpot dagiti polis no ania ti ramut ti nasao nga insidente.#