Mannalon, binagsol ti nabartek a kalugaranna

CAOAYAN, Ilocos Sur – Binagsol ti maysa a mangngalap ti kalugaranna a kinainomna idi rabii ti Oktubre 24 iti Barangay Puro ditoy nga ili.

Pannakabartek ti itudtudo dagiti inbestigador a puon ti nangbagsolan ni Antonio Fernandez y Amicay, 42, naasawaan, mangngalap ken residente iti Barangay Puro iti kalugaranna a ni Edwin Rebola y Bellon, 41, naasawaan, mangngalap.

Sakbay ti pammagsol, naggiinom da Fernandez ken ni Rebola ken sumagmamano a kalugaranda ket immuna a naggawid ti suspek.

Idi adda iti dalanna nga aggawid ni Rebola, kellaat a nagparang manipud iti likudan ni Fernandez sana binagsol ti biktima a nakatamaan ti makannawan nga abaga daytoy.

Naitaray ti biktima iti Gabriela Silang General Hospital idinto nga insuko ni Barangay Captain Noel Amicay ni Fernandez.

Saan a narekobre ti patadem a naaramat iti pammagsol.#