Mannalon, mangngalap, tinulongan ti Vigan City government

VIGAN CITY- Nagtignay ti gobierno ti siudad iti panangidaulo ni Mayor Eva Marie S. Medina a mangsaranay kadagiti mannalon ditoy a dinidigra ni Bagyo Pepeng.

Kas tulong a pinansial ti city government, naited ti sag- P1,000 a tulong kadagiti mannalon, mangngalap ken agmulmula iti high value crops a naapektaran iti bagyo, segun ken ni Konsehal Andres Adriatico bayat ti interbiona iti maysa a broadcast reporter itay nabiit.

Naireport nga agdagup iti P1,312,500 ti nadadael a pinagayan, P300,000 iti minaisan, P200,000 dagititi natnateng ken livestock nga agdagup iti P470,000.#