Mannalon, nabagsol iti kumpay

NARVACAN, Ilocos Sur – Nakapalok pay laeng ti kumpay iti makannawan a paset ti bagi daytoy biktima idi naitaray iti ospital kalpasan a binagsol ti kalugaranna idi malem ti Septiembre 27.

Nainaganan ti biktima a ni Jerry Inovejas y Casica, 27, baro, mannalon, ken residente iti Barangay San Pablo ditoy nga ili idinto a maysa a Reynaldo Casica, 53, baro, ken residente met laeng iti nadakamat a barangay.

Naammuan iti report manipud iti polis ditoy a nagsabat da Inovejas a nagbaklay iti sangasako  nga irik ken ni Casica iti barangay road ket naaddaanda iti nabara nga argumento a nagtungpal iti panangbagsol ti suspek iti biktima babaen ti kumpay.

Naitaray ni Inovejas iti Central Ilocos Sur District Hospital idinto a naglibas ti suspek iti di ammo a direksion.

Mapapati a dati a susik ti motibo ti pammagsol.#