Footer

Mannalon, nabagsol iti videoke bar

STA. MARIA, Ilocos Sur – Maysa a mannalon ti binagsol ti nakasubangna iti maysa a videoke bar itay nabiit.

Nabagsol ni Arnold Aquino, 29, naasawaan, residente iti Ag-agrao ket naitaray iti Reyes Clinic and Hospital sa naiyalis iti Metro Vigan Cooperative Hospital gapu iti grabe a sugatna iti barukong.

Naglibas ni Bonifacio Mendoza, 44, naasawaan, residente iti Langaoan ditoy met laeng nga ili kalpasan iti insidente.

Iti panagimbestiga dagiti polis, naammuan a napan naginom ti biktima agraman ti kabsatna, ni Victor, iti videoke bar. Adda met nga agiinom ti suspetsa ken kakaduana ditoy.

Nagsubang ti biktima ken ti suspetsa ket binunot ti naud-udi ti imukona sana binagsol ti suspetsa.#