Mannalon, nagbekkel

CERVANTES, Ilocos Sur -Awanen ti biag ti mannalon a mapapati a nagbekkel idi maidanon iti Central Ilocos Sur District Hospital ditoy nga ili idi malem ti Nobiembre 20.

Naammuan ti Tawid News a nagbekkel ni Jeffrey Dalit y Cabanilla, 31, naasawaan, mannalon, ken residente iti Sitio Limmobong, Barangay Sucoc, ditoy nga ili babaen ti panangiputipotna ti tali iti tengngedna.

Mapapati nga idi inlukat ni Lemuel Dalit y Cabbab, 15, 4th year high school, ti main door ti nasao a balay tapno umuneg, nakitana laengen ni Dalit a nakabitin iti concrete beam iti living room ti balay ni Diony Castillo sadiay Sitio Palicud Sur iti met laeng nadakamat a barangay.

Saan a nailanad iti blotter no ania ti puon ti nagbekkelan ti biktima.

Kitkitaen dagiti inbestigador no adda foul play iti pannakatay ni Dalit.#