CABUGAO, Ilocos Sur – Dagiti mannalon ti maysa kadagiti kangrunaan nga intandudo ti gobierno munisipal ditoy iti kalkalpas a panagpiestada.
Dagiti mannalon ti nangbuena mano iti aldaw ti piesta ti Cabugao babaen ti Farmers’ Day a naselebraran ditoy nga ili idi Abril 21.
Kinuna ni Mayor Edgardo S. Cobangbang, Jr. nga inikkanda dagiti mannalon iti kabukbukodanda nga aldaw iti panagpiesta ti ilida kas panangbigbigna iti dakkel a tulong a maipapaay dagitoy iti ili a Cabugao, kas iti pannakaisubli dagiti makmakan, pannakaited iti panggedan kadagiti barangay ken gapu iti dakkel a mabingbingay ti ili manipud iti R.A. 7171.
Innayon ni Cobangbang a daytoy ti kaunaan a gundaway a naikkan dagiti mannalon iti kabukbukodanda nga aldaw iti panagpiesta ti Cabugao.#