Mannalon, naiwalang

SINAIT, Ilocos Sur – Bangkayen ti maysa a mannalon idi masarakan ti kabsatna iti kanal iti asideg ti karayan iti Barangay Sta. Cruz ditoy nga ili.

Nagsagrap ti biktima a ni Ernesto Yacapin, 59, naasawaan, mannalon, residente iti nasao a barangay iti sugat iti ulo ken tengnged a gapuanan iti pannakatagbat ken pammaltog.

Segun iti kabsat ti biktima, adda iti dalanna nga agawid idi nakitana ti nakadasay a lalaki iti awan danumna a kanal iti asideg ti karayan ket natakuatanna laengen a ti kabsatna ti bangkay.

Iti pannakaisurat daytoy, di pay ammo no asino dagiti nangisayangkat ken no ania ti motibo ti pammapatay.#