Footer

Mannalon, nakimat bayat panagaradona

BURGOS, Ilocos Sur – Natay ti maysa a mannalon gapu iti pannakakimatna bayat ti panagaradona idiay barangay Dayanki, Burgos, Ilocos Sur.

Segun iti report a dimmanon iti polis, nakimat a puon ti nakatayanna ni Jojo Domenden, naasawaan, mannalon ken residente iti Bangbangar, Burgos ngem nakalasat ti kaduana,  ni Roland Domenden, uliteg ti biktima nupay naipuruak daytoy iti panagkanabsiit ti kimat.

Mapapati nga ikamkamakam dagiti dua nga ileppas ti panagaradoda idi kellaat a nayuged ti kimat a nangdalapus iti biktima ken ti kaduana.#