NARVACAN, Ilocos Sur – Saanen a naidanon iti ospital a sibibiag ti maysa a mannalon kalpasan a nakoriente iti kataltalonan iti Zone III, Barangay Aquib ditoy nga ili idi malem ti Hulio 7.
Indeklara ti doktor ti Ilocos Sur District Hospital a nakaitarayan a natayen ni Richard Cabotage y Velasco, 29, baro, mannalon ken residente iti nasao a barangay gapu iti pannakakorientena.
Segun iti report, madama ti panagtraktora ni Cabotage iti talon ni Benjamin Cabudol idi aksidente a naiggamanna ti nagbissayot a barut ti koriente a puon ti nakakorienteanna.#