Footer

Mannalon nalmes bayat ti panagpamunawna iti karayan

SAN EMILIO, Ilocos Sur – Nalmes ti maysa a mannalon bayat ti panagdigosna iti karayan sadiay Barangay Paltoc ditoy nga ili idi malem ti Septiembre 17.

Nainaganan ti biktima a ni Jonie Garnachea Retoriano, 35, residente iti nadakamat a barangay.

Segun iti report manipud iti polis ditoy nga ili, nangrugi a naggiinom ti biktima ken sumagmamano a kakaduana iti igid ti nasao a karayan manipud alas onse ti bigat ket idi agarup alas dos ti malem, nagpakada daytoy a mapan agdigos tapno agpalamiis.

Nagbalaw dagiti kakadua ti biktima idi saan met laengen a lumung-aw isu a sinawarda ngem napaayda agsipud ta napigsa ti agus ti kayaran.

Sumagmamano nga oras kalpasanna, nakitada laengen ti biktima a tumtumpaw iti karayan.

Intaray dagiti nagresponde a polis ti biktima iti Candon General Hospital ngem naideklara nga awanen ti biagna.#