Footer

Mannalon, napuntaan iti naiwawa a bala

BANTAY, Ilocos Sur – Mapapati a naiwawa a bala ti nakasugatan ti maysa a mannalon sadiay Barangay Paing ditoy nga ili idi malem ti Oktubre 5.

Naitaray iti Gabriela Silang General Hospital ni Robert Brian Padre y Alconcel, 16, gapu iti sugatna iti tian a mapapati a gapuanan ti naiwawa a bala idi agarup alas 12:00 ti malem ti nadakamat a petsa.

Kinuna ti biktima nga adda iti dalanna nga aggawid idi napuntaan iti naiwawa a bala.

Segun iti ama ti biktima, adda iti kalapawda iti Sitio Baoay, Barangay Paing idi nakangegda kadagiti putok manipud iti dayaenda a kabakiran a paset ket madamdama, addan ti abalayanna a babai a nangibaga a napaltogan ni Brian.

Di pay nabigbig dagiti nagpaputok iti pannakaisurat daytoy.#