Mannalon a pimmatay, nakasuan

NARVACAN, Ilocos Sur – Naiyendorso ti kaso a murder maikontra iti maysa a mannalon a pimmaltog iti padana a mannalon sadiay Sitio Bulbulala, Barangay Quinarayan, ditoy nga ili idi parbangon ti Disiembre 24,

Nakasuan iti murder ni Fernando Quiocho y Racacho aka “Baguio”, 33, baro, ken residente iti Barangay Parparia, Narvacan, gapu iti panangpaltogna ken ni Manuel Mendoza, Jr., y Canelas, 29, baro, kalugaran met laeng ti akusado.

Maipalagip a naggiinom ti suspek ken ti biktima iti balay ti maysa a Richard Garcia idi saanda a nagkinnaawatan a nagresulta iti panangpaltog ni Quiocho ken ni Mendoza.

Naitaray ni Mendoza iti Central Ilocos Sur District Hospital sa naiyalis iti Metro Vigan Cooperative Hospital a nakaideklaraanna a dead on arrival.#