Footer

Mannalon ti Candon City, 2 nga ili, agtaraken iti alinta

CANDON CITY – Dua nga ili ken maysa a siudad ti naikkan iti paadduenda nga alinta nga agpataud iti organiko a ganagan.

Impakaammo ni Agriculture Land Management and Environment Officer Delia Calixto a kalpasan iti Ilocos Norte, naikkan dagiti resipiente iti Candon City, Burgos ken Sta. Maria iti sag-15 kilos nga alinta a taraknenda tapno umaduda nga agaramid iti organiko a ganagan.

Kinuna ni Calixto a babaen ti vermin-composting, sumayaat ti produksion dagiti mannalon agsipud ta palamuyoten ti organic fertilizer a patauden dagiti alinta ti daga ken isublina ti sigud a kinatabana.

Kaibatogan ti lima a sako ti vermin compost ti maysa a sako ti kumpleto a ganagan, kinuna ni Calixto.#