STA. CRUZ, Ilocos Sur – Gapu iti dati a susik, natagbat ti maysa a mannalon iti Barangay Mambog, ditoy nga ili idi Enero 27.
Nainaganan ti nangtagbat ken ni Fernando Cudiamat y Ruiz, 47, naasawaan, mannalon, a ni Ricardo Ruiz y Azuncion, 55, naasawaan, mannalon met laeng ken kalugaran ti biktima.
Sakbay ti insidente, agpatpatakder ti biktima iti kusina idi simmangpet ti suspek ket nagsubangda.
Tinagbat ti suspek ti biktima a nagsagrapan daytoy iti dunor iti ulo, kannigid a takiag ken kannigid a tumeng.
Naitaray ti biktima iti Tagudin Medical Center, Bio, Tagudin, Ilocos Sur para iti pannakaagasna idinto a inaresto dagiti polis ti suspek.
Narekobre dagiti polis ti bolo iti nakapasamakan ti pannagbat.
Napilaan ni Ruiz iti kaso a frustrated murder iti provincial prosecutor’s office, Candon City.#