Mannikuat, naipiskot dagiti polis

STO. DOMINGO, Ilocos Sur – Makadanon pay gayamen ditoy dagiti mannipdut manipud sabali a probinsia.

Itay Enero 29, naipiskot dagiti polis ni Nenita Bautista y Roque, 60, balo, ken residente iti Barangay Gamut, Tabuc, Kalinga, Apayao, bayat ti panangitarayna iti bag ni Josefina Bugarin y Deza, 50, negosiante, ken residente iti Barangay Poblacion, ditoy nga ili.

Limtuad iti inbestigasion nga agin-innaw ni Bugarin idi nasiputanna ti suspek a nangbagkat iti bagna sa nagdardaras a pimmanaw.

Nagpaarayat ni Bugarin kadagiti polis a nairana nga agpatpatrolia ket kinamat dagitoy ti suspek agingga a naipiskotda.

Narekobre iti ikut ni Bautista ti bag ni Bugarin a naglaon iti innem a selpon ken P2,020.00.#