Mannipdut, nabigbig babaen ti CCTV

VIGAN CITY – Nabigbigen ti nangsipdut iti petaka ti maysa a lokal a turista idi malem ti Mayo 14 babaen ti video footage ti closed circuit television a naimuntar iti maysa a panganan ditoy.

Iti panangrebio dagiti polis iti inrekord ti CCTV , maysa nga Estrella Sinco Basuil, 65, ken residente iti Barangay Pug-os, Cabugao, ti nangsipdut iti petaka ni Ronald Alviz Sarmiento, 63, naasawaan, ken residente iti Camen Ville, Henson Avenue, Angeles City, Pampanga.

Nasipdut ti petaka ni Alviz bayat ti kaaddana iti Chowking a masarakan iti Plaza Maestro, Barangay 1 ditoy siudad idi agarup 1:15 ti malem ti Mayo 14.

Napilaan iti theft ni Sinco ken sumagmamano a John Does iti City Prosecutor’s Office, Vigan City.#