Mapan maki-Misa de Gallo, napaltogan

STA. LUCIA, Ilocos Sur – Maysa a lalaki ti pinaltogan dagiti armado a lallaki idi mapanda makimisa iti parbangon ti Disiembre 18 iti Barangay San Juan ditoy nga ili.

Segun iti report, papaandaren ni Aldrin, anak ti biktima a ni Saturnino Cabbag, ti motorsiklo idi immasideg ti nakamotorsiklo a lallaki ket pinaltoganda ti lakay a nakapuntaan ti panga daytoy.

Naglibas dagiti suspetsa kalpasan ti pammaltog.

Intaray ni Aldrin ti amana iti Sta. Lucia District Hospital sa inyalisna iti Candon General Hospital.

Di pay ammo ti motibo iti pammaltog.#