Footer

Mapapati a drug pusher, natiliw iti buy bust operation

CABUGAO, Ilocos Sur – Nanabtuog ti maysa a masuspetsa a drug pusher babaen ti buy bust operation nga insayangkat dagiti polis iti Barangay Baclig ditoy nga ili idi bigat ti Pebrero 11.

Pinalab-ogan dagiti nagtipon nga elemento ti PAIDSOTG ken polis Cabugao nga indauluan ni PCI Sosimo Racho ken PCI William Nerona ken babaen ti koordinasion ti PDEA, RO1 babaen ti buy bust operation ni Juancho Savedra y Sarte, 48, naasawaan, ken residente ti Sitio Callaguip, Barangay Baclig, Cabugao ket nasamsamda iti ikut daytoy ti dua a bassit a heat sealed plastic sachet a naglaon iti masuspetsa a shabu nga agdagsen iti sumurok kumurang .2 grams, dua a sag-P500 a marked money, 1 cellpohone Nokia ken 2 disposable lighters.

Nairekord babaen ti video ti panangisayangkat dagiti polis iti panagsukimat iti bagi ni Savedra babaen ti CORE TV ken iti panangimatang dagiti barangay officials.

Naipan ti suspek iti Provincial Police Office, Bulag para iti maikanatad a disposision.#