Footer

Mapapati a drug pusher, natiliw babaen iti text message

GALIMUYOD, Ilocos Sur – Maysa a text message manipud iti maseknan nga umili ti nangirubo iti maysa a lalaki a mapapati a mangiwaywayat iti illegal nga aktibidad sadiay Barangay Patac ditoy nga ili idi malem ti Disiembre 8.

Inaresto dagiti nagresponde a polis ni Danny Del Rosario y Valdez, 39, naasawaan, ken residente iti nadakamat a barangay kalpasan a nakakumpiskada iti ikutna iti mapapati a droga ken drug paraphernalia.

Dua a babassit a heat sealed transparent plastic sachet a nagkarga iti mapapati a shabu ken aluminum foil ti nasukalan dagiti polis iti ikut ni Del Rosario.

Nakakumpiska pay dagiti polis manipud ken ni Del Rosario iti P1,170.00 iti nadumaduma a denomination a mapapati a naglakuanna iti shabu.

Nakadetene ti suspek iti Galimuyod police station idinto a naiyawaten para iti inquest proceeding iti opisina ti Assistant Provincial Prosecutor, Candon City ti kasona a panaglabsing iti RA 9165.#