Mapukpukaw a mangngalap, nasarakan a bangkay

SANTIAGO, Ilocos Sur – Nasarakan a maysan a bangkay ti mangngalap a taga-Barangay Gabao ditoy nga ili a naireport a mapukpukaw idi Enero 11.

Nasarakan ti maysa a Melvin Real, mangngalap a taga-Barangay San Roque ditoy met laeng nga ili idi agarup 12:45 ti bigat ti Enero 12, ni Warlon Escalona y Etrata, 26, awanan asawa, a nakapakleb iti igid ti baybay a sakup ti Barangay Gabao.

Intaray dagiti nagresponde a polis ni Escalona iti Candon General Hospital ngem naideklara nga awanen ti biagna gapu iti pannakalmesna.

Sakbayna, naireport a mapukpukaw ni Escalona kalpasan a napan nagpana iti lames idi agarup 10:00 ti bigat ti Enero 11 ngem saanen a naggawid.#