Marching band, nagtokar iti Vigan City Convention Center

VIGAN CITY – Dinayaw dagiti sangsangaili ti kinalaing ti marching band ti Bitong Elementary School a nagtokarĀ  bayat iti International Conference Workshop on Educational Management for Culture and Arts Education a naangay iti Vigan City Convention Center itay Mayo 7.

Pasig nga agbasbasa iti Bitong Elementary School, Galimuyod, Ilocos Sur, maysa nga upland town, ti nangbukel iti nasao a marching band.

Naammuan ti Tawid News manipud ken ni Konsehal Kulafu Trinidad a ti marching band ti nasao a pagadalan ti nagkampeon iti nasional a pasalip iti marching band iti 3rd National Performing Arts Festival a naangay iti Las PiƱas City idi Abril 9 daytoy a tawen.

Imbagian ti BES ti Ilocos SurĀ  iti nasional a kumpetision kalpasan nga inyalatda ti kampeonato iti pasalip ti marching band kas paset ti parambak ti Kannawidan Ylocos Festival a naangay idi umuna a lawas ti Pebrero daytoy a tawen.#