Footer

Marihuana, nasukalan iti lugan ti motorist

CANDON CITY – Saan laengen a multa gapu iti kaawan ti plaka ti motorsiklona ti problema daytoy a motorista no di pay panagikut iti maiparparit nga agas agsipud ta nasukalan nga adda nabungon a marihuana iti utility box ti luganna.

Segun iti report, idi agarup 9:50 ti rabii ti Hulio 14, bayat ti panagtsekpoint dagiti polis nga indauluan ni COP Police Supt. Richmund L. Tadina iti national highway a sakup ti Barangay San Nicolas ditoy siudad, pinasardengda ti motorsiklo ni Nehemias Manzano y Valdez, 20, baro, ken residente iti Barangay San Nicolas, Candon City, gapu ta awan ti plaka ti luganna.

Kiniddaw ni PO1 Abdon Camacho ti pananglukat ni Manzano iti utility box ti motorsiklo ket nasukalanda ti mapapati a marihuana a nabungon iti cigarette foil.

Naipan ni Manzano iti police station para iti umisu a disposision.#