Masikog, nadungpar, natay

BANTAY, Ilocos Sur – Maysa a masikog a babai ti natay kalpasan a nadungpar iti ibaballasiwna iti kalsada iti Barangay Naguiddayan ditoy nga ili.

Segun iti report, natay ni Fely Marciano, 37, residente iti nadakamat a barangay, masikog, bayat ti pannakaagasna iti Metro Vigan Cooperative Hospital gapu iti pigsa ti pannakadungparna.

Naitaray met iti Gabriela Silang General Hospital ti nagmaneho iti motorsiklo a nainaganan a maysa a Glen Pacente, 25, residente iti Barangay Paing, ditoy met laeng nga ili.#