Mass marunggay planting insayangkat ti CIS

SAN ESTEBAN, Ilocos Sur – Kas sagutda iti panagkasangay ni Gob. DV Savellano, nangisayangkat  mass planting iti marunggay dagiti kameng ti Citizen’s Involvement Services, Inc. (CIS) iti panangidaulo ni Dante Tacata.

Naggigiddan ti  aganay 50 a miembro ti CIS a nagmula iti marunggay itay Nobiembre 15, panagkasangay ni Savellano, iti bakante a lote iti Barangay San Pablo, San Esteban ken iti igid ti kalsada iti sentro ti ili.

“Adunto a bumarangay ti mabenepisiaran daytoy a mass planting no agbiag dagiti naimula, a marunggay,” kinuna ni Tacata.#