NARVACAN, Ilocos Sur – Nabagsol ti maysa a lalaki gapu ta suspetsaen ti bimmagsol a daytoy ti nangubor iti balayna idi rabii ti Agosto 1.

Naitaray iti Central Ilocos Sur District Hospital sa naiyalis iti Gabriela Silang General Hospital ni Arthuro Cabanit y Luquiao, 25, baro, residente iti Barangay Lungog ditoy nga ili gapu iti panangbagsol kenkuana ti suspek a ni Gregorio dela Cruz y Cambe, kalugaranna met laeng.

Segun iti panagimbestiga dagiti polis, naubor ti balay ti suspek ket rimmuar daytoy. Nakitana ti biktima nga aggawiden manipud iti maysa a kasangay ket inakusaranna daytoy a nangubor iti balayna a nagtungpal iti panagringgorda.

Nagpatulong ti biktima kadagiti barangay tanod ngem immasideg ti suspek sana binagsol ti biktima a nakasugatan ti babaen ti kilikilina.

Naglibas ti suspek ngem nasiiman ti maysa a kalugaranna idi nagsubli iti balayda iti kabigatanna ket impulongna kadagiti polis.#