Maymaysan a lugar paglakuan iti paputok iti Vigan City

VIGAN CITY – Maymaysanton a lugar ti pakailakuan dagiti paputok ken kuitis para iti selebrasion ti Paskua ken Baro a Tawen ditoy a siudad.

Naituding ti pagparkingan ti lugan iti abagatan ti Vigan City Gymnasium ti pakailakuan dagiti paputok babaen ti panagmonitor ti kapolisan tapno malapdan ti mapasamak nga uram.

Maipalagip a nauram gapu iti paputok ti maysa a pasdek ditoy siudad idi Baro a Tawen a nakatayan ti maysa a negosiante.#