Mayor, naragsakan iti panagballigi ti Bagnet Festival

NARVACAN, Ilocos Sur – Naragsakan ti mayor ditoy gapu iti kaadu dagiti turista ken sangsangaili a nakipagrambak iti 3rd Bagnet Festival a naangay ditoy nga ili manipud Disiembre 2-15, 2012.

Rinibribu a tattao ti nagbuya iti Bagnet-inspired float parade a naangay idi Disiembre 14 ken iti streetdancing competition a naangay idi Disiembre 15.

Kinuna ti Mayor Zuriel S. Zaragoza a nailunsad iti daytoy a parambak ti umuna a triathlon race and tournament iti Northern Luzon a naangay iti Narvacan Outdoor Adventure Hub (NOAH), umuna a beach volleyball competition, ken ti umuna a Pyrolympics contest.

Kinuna ni Zaragoza nga ad-adunto manen dagiti aktibidad nga isaganada para iti sumuno a festival.#