Maysa kadagiti naghold-ap iti gasolinaan, nabigbigen

CABUGAO, Ilocos Sur – Ibilang ti kapolisan ditoy a nasolbardan ti naisayangkat a robbery-hold-up itiĀ  maysa a paggasolinaan iti Sitio Bessang, Barangay Bungro ditoy nga ili idi parbangon ti Hunio 30 kalpasan a nabigbig ti gasoline boy ti maysa kadagiti naghold-ap.

Segun ken ni Deputy Chief of Police Police Inspector Nestor Sonido Savellano, babaen ti roguesā€™ file, positibo a binigbig ti gasoline boy a ni Bryan Mapa, ni Erwin Acedo y Robiago a maysa kadagiti tallo a lallaki a nangisayangkat iti panaghold-ap iti Reg Gas Station idiĀ  parbangon ti Hunio 30.

Mapapati a nainbolbar ni Acedo, 28, residente iti Barangay Sabang, Cabugao, iti panaghold-ap ken Akyat-Bahay iti naglabas.

Ni Acedo ti mapapati a naggian iti likudan a nakaarmas iti cal. 45 idinto a naggian iti tengnga ti nakaiggem iti shotgun.

Maipalagip nga idi agarup alas 3:55 ti parbangon ti nadakamat nga aldaw, bayat a nakatugaw ni Mapa, 27, naasawaan, ken residente iti Sitio Bessang, Barangay Pug-os iti sidecar ti traysikelna, nagsardeng iti asideg ti puesto ti cashier ti maysa a TMX Honda 155, awanan pakailasinan a plate number, a nagluganan dagiti tallo a lallaki a nakaaruat iti bonite ket maysa kadagiti suspek a nakaarmas iti shotgun ti nangpaturong ken niĀ  Mapa a kagiddan ti panangideklarana iti hold-ap ken panangibilinna ti panagpakleb daytoy ken panangiyawatna iti kuarta.

Kalpasan a naawatna ti belt bag, kinasakas pay ti suspek ti drawer a naggianan ti naglakuan iti gasolina nga agdagup amin iti sumurok kumurang a P3,000.00.

Segun iti inbestigasion, ni Acedo ti mapapati a nangibaga kadagiti kakaduana ti panangpatayda ken ni Mapa sakbay ti panaglibasda.

Naipaiman ti rekord ti kaso a robbery-hold-up maikontra ken ni Acedo ken dua a kakaduana a temporario a nainaganan iti John ken Peter Doe iti opisina ti provincial prosecutor, Vigan City.#