MDRRMC-Cabugao, overall champ 1st Gov. Ryan Singson Rescuelympics 2015

CABUGAO, Ilocos Sur – Ti Municipal Disaster Risk Reduction Management Council (MDRRMC)-Cabugao ti nangiyalat iti kampeonato iti 1st Gov. Ryan Singson Rescuelympics 2015 a naangay iti Quirino Stadium, Bantay, Ilocos Sur itay Hulio 20-31, 2015.

Iti programa a naangay iti sango ti municipal hall kalpasan ti flag ceremony nga inatenderan da Mayor Edgardo S. Cobangbang, Jr., ken dagiti konsehal a pakaibilangan da SBM Danny Q. Gazmen; SBM Dr. Jemaima S. Tan-Yee; SBM Vicky S. Serna; SBM Jayhan Alcid-Tan; SBM Benedicto M. Savellano; SBM Josefina S. Vallejo ken ni SBM Atty. Bryan Jett S. Pano, imbasa ni Municipal Information and Tourism Officer dagiti sertipiko ti pammadayaw a nagun-od ti MDRRMC-Cabugao iti pannakisalipna iti nasao a salisal.

Kas kampeon, immawat ti MDRRMC-Cabugao iti P75,000.00 ken plake. Maipalagip nga immuna a naiyawat ti award iti Vigan City babaen kada Gov. Singson ken PDRRMC Officer Michael C. Chan.

Naammuan ti Tawid News a 27 a munisipalidad iti probinsia iti nakipartisipar iti 1st Gov. Ryan Singson Rescuelympics 2015.#