Footer

Media, nawaya a mangkober session: bise mayor

STA. CATALINA, Ilocos Sur – Saan a pinatgan ti sangguniang bayan ditoy ti singasing ti maysa a konsehala a maparitan dagiti kameng ti media a mangkober iti regular a sessionda tunggal Lunes.

Kinuna ni Vice Mayor Ernesto Turqueza a nawaya dagiti kameng ti media a mangkober iti panagsessionda iti baet ti singasing ni Konsehala Violeta Reoturar a maparitan dagitoy iti pagsessionan.

Intuding ti bise mayor a maymaysa a lugar ti paggianan dagiti kameng ti media ken nawayada a mangaramat aniaman a ramit-komunikasion iti panangkoberda iti panagsession ti konseho ditoy.#