Medical, dental mission, maisayangkat iti Vigan

VIGAN CITY – Maysa a medical ken dental mission ti maisayangkat ditoy siudad inton Nobiembre 22 para kadagiti agindeg ditoy siudad.

Malaksid ti medikal ken dental a serbisio, maited pay ti libre nga agas, pap smear, pre-natal eksamen kadagiti babbai iti daytoy nga aldaw.

Sagut daytoy ni Mrs. Patricia Savellano Singson, kaingungot ni Vigan City Vice Mayor Ryan Singson, kas paset ti panangselebrarna iti panagkasangayna.

Anak ni Vice Governor Deogracias Victor Savellano ni Patricia.#