Medical, dental mission, naballigi

MAGSINGAL, Ilocos Sur – Naballigi ti naangay a  medical ken dental mission idi Pebrero 8 iti compound ti district hospital ditoy, segun ken ni Bise Gobernador Jerry Singson.

Inesponsoran ti Magsingal Association of America babaen ti panagkikinnamayyet ti municipal ken provincial government babaen ken ni Bise Gov. Jerry Singson ti nasao a mission.

Libre ti konsultasion ken ag-agas a naited kadagiti pasiente iti nasao a mission.

Kabayatanna, manamnama a maiyawat ti baro a tiendaan ditoy iti daytoy a lawas.

Segun iti kontratista, naitantan ti pannakaiyawat ti tiendaan gapu ta immadu ti nagkiddaw iti puestoda ditoy.

Naammuan a 170 ti orihinal a maipasdek nga stalls ngem immabut iti nasurok a 200.#